eisoes yn maethu?

Fel awdurdod lleol, ni yw’r bobl go iawn yn eich ardal leol, sy’n barod yn cefnogi’r plant hynny sydd angen gofal. Ni sydd â’r cyfrifoldeb eithaf dros bob plentyn sydd mewn gofal ym Merthyr. Golyga hyn fod gennych fwy o hyblygrwydd yn y math o ofal byddai’n gweddu orau i chi a’ch teulu. Rydyn ni’n gweithio ochr yn ochr â gweithwyr cymdeithasol a gweithwyr cymdeithasol plant, i gyd wedi’u lleoli yn yr un adeilad a dyna sy’n sicrhau bod popeth rydyn ni’n ei wneud yn canolbwyntio ar y plant.

Rydym yn cadw plant yn lleol ble bynnag y bo modd. Bydd gan blant eu hysgol, eu ffrindiau, eu hoff barc. Drwy faethu gyda ni, rydych yn daprau’r cyfle i blant aros mewn ardal sy’n barod yn gyfarwydd iddynt, sydd ynddo’i hun yn ffordd o leihau rhwyg bellach yn eu bywydau.

Gan ein bod yn sefydliad nid-er-elw, mae’r holl nawdd rydym yn ei dderbyn yn cael ei wario ar y gwasanaethau rydym yn eu darparu, ar yr hyfforddiant a’r gefnogaeth sydd eu hangen arnoch, fel bod y cyfan yn cael ei fuddsoddi yn ôl mewn i’n gofalwyr maeth. Nid ydym yn gwneud elw drwy blant mewn gofal. Wrth faethu gyda’ch awdurdod lleol, rydych yn helpu i leihau’r cyfle i wneud elw allan o blant mewn gofal.

• Rhwydwaith o dros 70 o ofalwyr maeth wedi eu lleoli ym Merthyr, gyda chyfleodd mentora gan ofalwyr profiadol – ein cynllun Arloeswr Maethu
• Lwfans ariannol hael. Er enghraifft ar hyn o bryd ym Merthyr mae yno ofalwyr maeth sy’n derbyn rhwng £12,584 a £39,520 y flwyddyn
• Cefnogaeth 24 awr
• Gostyngiad o 50% ar dreth cyngor
• Aelodaeth hamdden am ddim i bawb yn eich cartref
• Cyfarwyddyd, cefnogaeth a hyfforddiant yn cynnwys y gwasanaeth ymyrraeth therapiwtig MAPSS gan Y Clinig Ymddygiad (The Behavioural Clinic)
• Ymgynghoriadau misol i rannu safbwyntiau yn ogystal â gweithgareddau cymdeithasol a digwyddiadau blynyddol i ddangos gwerthfawrogiad

Darllenwch ragor am gefnogaeth a gwobrwyon yma.

“Fe benderfynon ni drosglwyddo tua dwy flynedd yn ôl ac yn fwy diweddar fe ddechreuon ni edrych ar faethu plant ag anghenion cymhleth oherwydd ein bod ni’n teimlo bod gennym ni ddigon o hyfforddiant a chefnogaeth i wneud hynny. Rydyn ni mor falch ein bod ni wedi trosglwyddo!”

Emma, gofalwr maeth awdurdod lleol

Maae’r holl beth yn cychwyn gyda sgwrs. O’r fan honno gallwn egluro sut broses yw hi a gan eich bod chi’n barod yn gweithio o fewn y byd maethu, bydd y broses yn unigryw i chi.

Mae’n ddi-lol ac mae gennym brofiad o’r gofalwyr eraill sy’n barod wedi trosglwyddo atom. Rydym wedi dysgu sut i sicrhau bod y trosglwyddiad yn un esmwyth a byddwn yn rhannu gwybodaeth a diweddariadau gyda chi drwy gydol y siwrnai.

Hoffem wybod y ffordd orau o’ch cefnogi chi wrth i ni symud ymlaen, hoffem ddod i arddel ag unrhyw anghenion sydd gennych a gwneud yn siŵr ein bod ni’n eich adnabod chi tu fewn tu fas er mwyn gallu gweithio allan pa blant fyddai’n gweddu orau i chi a’ch teulu.

Carem sgwrsio gyda chi.

Ni, fel yr Awdurdod Lleol, sy’n bennaf gyfrifol am bob plentyn ym Merthyr Tudful sydd angen gofalwr maeth. Felly, ein hangerdd yn ogystal â’n pwrpas ni yw darparu’r gofal a’r cymorth arbenigol sydd ei angen – ar gyfer plant lleol, yn ogystal â’u teuluoedd maeth.

Gyda hyfforddiant pwrpasol, cyfoeth o wybodaeth a chefnogaeth pryd bynnag y bydd eu hangen arnoch chi, rydyn ni’n eich grymuso i fod y gorau y gallwch chi fod. Rydyn ni wedi ymrwymo i gynnig y gwasanaeth gorau, ac fel sefydliad nid-er-elw, rydych chi’n gwybod bod yr holl gyllid rydyn ni’n ei dderbyn yn mynd tuag at y diben hwnnw.

Hoffech chi ymuno â ni? Dewch i gael rhagor o wybodaeth am y manteision a’r gefnogaeth rydyn ni’n eu cynnig.