Rydyn ni’n gwybod y gall y tywydd fod yn newidiol felly rydyn ni wedi gofyn i’n timau beth yw eu hoff dripiau dydd lleol – ar gyfer diwrnodau heulog, llwyd neu lawog!
Dyma rai o’u hawgrymiadau…
Amgueddfa ac Oriel Gelf Castell Cyfarthfa
Gallwch grwydro’r castell, yr amgueddfa a’r oriel gelf! Ar ddiwrnodau sych mae yna Splash Pad a pharc chwarae, yn ogystal â rheilffordd stêm fach a theithiau cerdded coetir ar y safle hefyd.
Mae’r parc, y Splash Pad a’r llwybrau i gyd yn rhad ac am ddim i’w defnyddio, gyda rhai taliadau ar gyfer mannau penodol fel y rheilffordd fach a’r amgueddfa y tu mewn.
Ewch i wefan Amgueddfa Castell Cyfarthfa yma
Brecon Mountain Railway
Am rywbeth unigryw i’r ardal, byddem yn awgrymu mynd i Reilffordd Mynydd Brycheiniog. Gallwch deithio ar drên hen ffasiwn drwy Fannau Brycheiniog, gyda golygfa hardd o’r coetir, cronfeydd dŵr a mynyddoedd!
Mae gwahanol opsiynau teithiau i chi ddewis ohonynt, ond mae’n well ymweld â gwefan Rheilffyrdd Mynydd Brycheiniog i gynllunio’ch diwrnod ac archebu tocynnau.
Colliers Adventure Farm
Gyda chyfarpar a gweithgareddau chwarae dan do ac awyr agored, ynghyd â llawer o anifeiliaid fferm hyfryd, a chaffi, mae fferm y Colliers yn berffaith i bawb.
Cymerwch olwg ar wefan Collier Farm am ragor o wybodaeth
Vue Cinema Merthyr
Pan fydd y glaw yn ddi-baid ond mae angen i chi gael y plant allan o’r tŷ. Neu efallai bod ffilm newydd allan sy’n cael ei hysbysebu’n gyson ar y teledu. Fel arfer mae gan Vue Cinema ystod dda o ffilmiau sy’n addas ar gyfer pob aelod o’r teulu.
Ewch i wefan Vue Cinema yma i weld beth sydd ymlaen
BikePark Wales
Mae BikePark Wales yn cynnig rhywbeth i bawb – p’un a ydych chi’n brofiadol neu’n ddechreuwr llwyr, mae dros 50 o lwybrau beicio gyda 5 lefel o anhawster i ddarparu ar gyfer pawb. Mae gwasanaeth codi y gallwch ei archebu, sy’n gwneud mynd yn ôl i’r copa yn llawer haws! Ychwanegwch gyfleusterau gwych, caffi clyd a staff cyfeillgar, mae gennych y lle perffaith ar gyfer diwrnod egnïol a chofiadwy yn yr awyr agored.
Ewch i wefan BikePark Wales i gael gwybod mwy
Vertigo Trampoline Park
Mae Parc Trampolîn Vertigo ym Merthyr yn cynnig amgylchedd hwyliog, diogel a gweithgar gyda thrampolinau, pyllau ewyn a phêl osgoi, perffaith i blant losgi egni!
Mae’n lle poblogaidd ar gyfer partïon pen-blwydd, mae caffi i oedolion, a digon o le i blant chwarae.
Ewch i wefan Vertigo i gael gwybod mwy
Rock Summit Centre
Os ydych chi’n chwilio am rywbeth ychydig yn fwy heriol a chyffrous, beth am roi cynnig ar ddringo creigiau yng Nghanolfan y Summit? Mae’n ffefryn gan ein cymuned maethu, ac rydym wedi cynnal digwyddiadau lle mae plant a gofalwyr maeth wedi cymryd rhan!
Cymerwch olwg ar wefan Canolfan Rock Summit i gael gwybod mwy
Cysylltwch â ni am ragor o wybodaeth am faethu ym Merthyr.
Os ydych chi’n byw yng Nghymru, ewch i wefan Maethu Cymru lle gallwch ddod o hyd i’r holl wybodaeth a chysylltu â gwasanaeth eich awdurdod lleol.
